Livet i Kattnakken

Me er på flyttefot – og me gler oss!

Juni 2026

Det skjer mykje i Kattnakken om dagen.

Dei siste månadene har vore prega av flyttekassar, truckar, robotar, teikningar og byggeaktivitet – alt medan kvardagen har gått som normalt og tusenvis av regnklede har funne vegen ut til kundane våre.

No er den første store milepælen nådd: PIO robotlageret er flytta til den nye lokasjonen på Heiane og er allereie i full drift.

PIO robotlageret er på plass i dei nye lokala på Heiane. Her plukkar Tarjei dagens ordre frå robotane – klare for å sendast ut til små og store regnvêrsentusiastar over heile landet.

Rom for nye idéar

Kattnakken har vakse mykje dei siste åra, og til slutt vart dei gamle lokala rett og slett for små.

Me trong meir plass til både lager, produktutvikling, butikk og menneska som kvar dag jobbar for å skape gode opplevingar for kundane våre.

Eigar, Gründer og Kreativ leiar Silje Vatne Ersland fortel at det var kjærleik ved første blikk då ho såg bygget på Heiane.

Kjærleik ved første blikk. Silje har allereie sett føre seg korleis dei nye lokala skal fyllast med liv, fargar og kreativitet. Ho gleder seg til å ønskje både kollegaer og kundar velkomne til Kattnakken sitt nye heim på Heiane.

No blir det eit heilt nytt samlingspunkt for Kattnakken, med større lagerkapasitet, nye kontor, showroom og ein endå større lagerbutikk.

Biletet er teke før PIO-robotane flytta inn. Silje let seg imponere av det store glasstaket som slepper dagslyset heilt ned på lagergolvet. – Dette kjem til å bli ein fantastisk arbeidsplass for lagergjengen, seier ho. Ikkje mange lager kan skilte med noko liknande.

Robotane har flytta først

Flyttinga av robotlageret var kanskje den mest spennande delen av prosjektet.

Robotlageret er større enn mange trur. Her ser me lagersjef Ingrid og lagermedarbeidar Kristin gjere dei siste førebuingane før den store nedriggen tok til.

Heile robotlageret måtte demonterast, flyttast og byggjast opp att – utan at det skulle gå ut over leveringane til kundane våre.

Slik såg det ut då PIO-lageret var under nedrigg. Kvar del måtte merkast, demonterast og byggjast opp att på den nye lokasjonen – utan lange stopp i drifta.

Heldigvis gjekk prosessen nesten smertefritt, og no er robotane tilbake i full aktivitet på den nye adressa.

Det er me veldig glade for.

Kvar einaste lagerkasse måtte ut av robotlageret før flyttinga kunne starte. Nærmare 5000 kassar fann vegen frå den gamle lokasjonen til den nye – før dei igjen fekk plass i robotanlegget.

Flyttinga hadde ikkje gått utan gode samarbeidspartnarar. Gjennom heile året får me verdifull hjelp frå dei flinke folka hos Podlen Verkstad As på Stord til oppgåver som krev litt ekstra bærekraft – frå tømming av containerar til flytting av nesten 5000 PIO-kassar. Her er ein av medarbeidarane i full sving med neste kasse på veg til nytt lager.

Snart flyttar resten av gjengen inn

Rett over sommaren flyttar lagerbutikken inn i dei nye lokala, medan kontorgjengen følgjer etter utover hausten. Samtidig byggjer handverkarane for fullt for å gjere alt klart.

Det blir nye arbeidsplassar, nye møteplassar og betre rom for å utvikle framtidas Kattnakken-produkt.

Klar for neste kapittel

Flyttinga handlar ikkje berre om fleire kvadratmeter.

Ho handlar om å skape plass til nye idéar, vidare vekst og endå betre opplevingar for kundane våre.

Enno luktar det litt byggeplass, men lyset frå dei store takvindauga gir dei nye lokala ein heilt spesiell atmosfære. Snart er alt klart for neste kapittel i Kattnakken-historia.

Me kjem til å ta dykk med bak kulissane undervegs og dele glimt frå både flytteprosessen og livet i dei nye lokala.

For sjølv om adressa endrar seg, er filosofien den same:

Me skal lage regnklede som varer – og inspirere små og store til å gå ut og nyte regnet.

Rom for nye idéar

Robotane har flytta først

Snart flyttar resten av gjengen inn

Klar for neste kapittel

Bli med i Klubb Kattnakken og få 10% i velkomstrabatt