Regnparkas

Dette er parkasen for dagar der regnet meiner alvor. Når det bøttar ned, kjem sidelengs – og ikkje har planar om å gi seg – er det godt å ha ei jakke som er laga nettopp for slikt vêr. Den nye matte overflata gir jakka eit mjukare uttrykk enn den tradisjonelle glatte PU-en. Like vanntett som før – berre med eit meir moderne preg. 

Jakka har sveisa saumar som held regnet ute dagen lang og det lette fôret på 40 gram gjer jakka komfortabel gjennom store delar av året – frå kjølige sommarkveldar til våte haust- og vinterdagar. Den store stormhetta kan justerast og skjermer godt når regnet kjem frå sida. Stormmansjettane held ermene på plass og bidreg til å halde vind og vatn ute. Praktiske brystlommer og sidelommer gir plass til det du treng gjennom dagen, medan gode refleksar framme, bak, på ermer og hette gjer deg meir synleg i mørket.

Ei påliteleg regnjakke for deg som likar livet ute – uansett vêr.