Panneband Lamull

Når det er litt kjølig, men ikkje kaldt nok for lue, er dette pannebandet midt i blinken. Det gir lun varme rundt øyrene og passar perfekt i overgangsvêret – til barnehage, skule, tur og aktive dagar ute.

Lammeulla gir naturleg varme samtidig som ho pustar og slepp ut overskotsvarme når barnet er i aktivitet. Blandinga av 70 % lammeull og 30 % polyamid gir ein mjuk, elastisk og slitesterk kvalitet som toler kvardagsbruk.

Pannebandet sit godt på hovudet utan å stramme og held seg på plass når barnet spring, leikar og er i aktivitet. Det kjem i onesize til barn, og den elastiske kvaliteten formar seg fint etter hovudet.

Ny lammeullsserie
Pannebandet er ein del av den nye lammeullsserien vår, saman med lue, babylue og balaklava. Lette og lune plagg som er laga for overgangsvêret – og enkle å kombinere med resten av yttertøyet.