Beskrivelse
Lett og praktisk regnsett med jakke og bukse – perfekt for mildare dagar og aktiv leik ute. Kombinerer mjuk komfort med solide Kattnakken-kvalitetar – ideelt til vår, sommar og som reservesett.
Regnsett YR – kolleksjon «Superkatten 2026». Eit lett og allsidig regnsett for dagar med ruskevêr – utan at det går på bekostning av kvaliteten Kattnakken er kjend for. Regnsett YR passar spesielt godt til vår og sommar, eller som eit ekstra sett i barnehagen når hausten kjem.
Ein del av Superkatten-universet 💥
I kolleksjonen Superkatten 2026 møter du små kvardagsheltar på superheltoppdrag. Inspirert av diktet «Ein superhelt», handlar kolleksjonen om leik, fart og fantasi i kvardagen. Her får barna springe, hoppe og leike i regnet – i fargar og mønster som lyser opp grå dagar. Regnsett YR kjem i 3 ulike fargar med Superkatten-mønster – så barnet kan velje sin eigen favoritt.
Settet er laga for å gi god balanse mellom lettheit og slitestyrke. Jakka er laga i mjuk og lett PU (Polyuretan Lett) som gir god komfort og rørsle, medan buksa er laga i kraftigare PU (Polyuretan Ekstrem) for å tole meir slitasje der det trengst mest. Begge delane har sveisa saumar som held vatnet ute – sjølv når det øser og pøser.
Buksa har ei lett børsta innside som gir ekstra luning, og er utstyrt med strikk i livet, gode selar og enkle fotstrikkar som held ho på plass under leik. Jakka er lett og behageleg å ha på, men likevel heilt tett – klar for alt frå små regnbyger til skikkeleg vestlandsregn.
Settet har også refleksar på armar og bein som gjer barnet meir synleg ute. Hetta er både avtakbar og regulerbar, og fungerer som ei sikkerheitshette som løyser seg ut om barnet skulle henge seg fast i leik.
Eit todelt regnsett gir stor fleksibilitet i kvardagen. På mildare dagar kan barnet bruke jakka aleine, eller kombinere ho med andre plagg. Er det varmt, men vått i graset, er det perfekt å berre bruke buksa – klar for leik og plasking utan å bli våt. Buksa har justerbare selar som gjer det enkelt å tilpasse passforma etter barnet, og som også kan forlenge levetida på plagget etter kvart som barnet veks.
Eigenskapar:
• Materiale: Polyuretan Lett (jakke) og Polyuretan Ekstrem (bukse)
• Vannsøyle: 100% vanntett
• Slitestyrke: Ekstrem på bukse >80.000 og Medium på jakke >50.000 Martindale (>9 kg trykk)
• Sveisa saumar
• Vindtett
• Enkle strikkar under foten
• Refleks på armar og bein
• Avtakbar hette (sikkerheitshette)
• Fluorkarbonfri
• OEKO-TEX Standard 100
